Омсклик эркак болаларнинг кўз ўнгида каптарни ўлдиргани учун беш ойга озодликдан маҳрум этилди, деб хабар берди lenta.ru нашри.
Суд қарорига биноан мазкур муддат давомида эркак ўзи яшайдиган ҳудуддан ташқарига чиқа олмайди ва яшаш жойи бўйича полициядан рўйхатдан ўтиб туриши лозим бўлади. Ҳукм ўқилишидан илгари вазиятни юмшатувчи ҳолатлар — эркакнинг соғлиги ва икки нафар вояга етмаган фарзандлари борлиги эътиборга олинди.
Жиноий ишда қайд этилишича, 31 ёшли эркак маст ҳолатда каптарга қарата рогаткадан тош отган, кейин эса уни тутиб олиб, калласини узган. Воқеа содир бўлган пайтда футбол ўйнаётган болалар унинг хатти-ҳаракатларини видеога олиб, ижтимоий тармоқларга жойлаштиришган. Эркак муқаддам содир этган бошқа жиноятлари учун ҳам судланганлиги маълум бўлди. У ҳайвонга нисбатан шафқатсизларча муносабатда бўлганлигини тан олди.
