Ироқ марказий жиноий суди Туркия фуқаролари бўлган 16 нафар аёлларни “Ислом давлати”террорчилик ташкилоти билан алоқадорликда айблаб, ўлим жазосига ҳукм қилди, деб хабар берди Ria.ru нашри.
Ироқ олий суди кенгаши вакили Абдул Саттор Биркадарнинг маълумот беришича, “айбланувчилар тергов жараёнида террорчиларга турмушга чиқиш ва уларга ёрдам бериш учун Ироқ ҳудудига кириб келишганини тан олишган”.
Илгари ҳам Боғдод суди яна бир туркиялик аёлни террорчилар билан алоқада айблаб, ўлим жазосига ҳукм қилган эди. Бундан ташқари, яна турмуш ўртоқлари Ироқдаги жангларда ҳалок бўлган 20 ёшдан 50 ёшгача бўлган 10 нафар турк аёллари турли муддатга озодликдан маҳрум этилган. Улар узоқ вақтлар давомида террорчилар назорати остида бўлган Мосул ва Тель-Афаре шаҳарларида қўлга олинган.
