Нью-Йорк шаҳридаги темир йўлда ёнғин чиқди

АҚШнинг Нью-Йорк шаҳридаги Long-Aylend темир йўлида ёнғин келиб чиқди, деб хабар берди Mir24.tv нашри.

Ушбу ҳудудда чиқиндиларни қайта ишлаб чиқариш заводи бўлиб, аланга унинг баъзи қисмларига қадар етиб борган. Зудлик билан етиб келган ўт ўчириш ходимлари ёнғинни бартараф этишди.

Бироқ темир йўл линияси зарар кўргани сабабли 4 та йўналиш тўхтатиб қўйилди.