Жиззах вилоятининг Фориш туманида яшовчи, 1966 йилда туғилган Б.Тожиев ИИБга мурожаат қилиб, 2018 йил 22 март куни 14 ёшли қизи Д.Тожибоева уйидан қорамолларини боқиш учун чиқиб кетиб, бедарак йўқолганини маълум қилган.
Олиб борилган қидирув ишлари натижасида, 23 март куни шу маҳалла ҳудудида жойлашган тоғ ён бағридан Д.Тожибоеванинг бўғиб ўлдирилиб, тошлар тагига кўмилган ҳолдаги жасади топилган.
Кўрилган чоралар натижасида қизнинг маҳалладоши, 1995 йилда туғилган Т.Олтиев уни бўғиб ўлдирганлиги аниқланган.
ИИВ Жамоатчилик ва оммавий ахборот воситалари билан алоқалар бошқармаси хабарига кўра, қотил қўлга олинган.
