Малининг Бандигар шаҳрида жойлашган La Falaise номли, асосан БМТ ва хайрия ташкилотлари ходимлари тўхталадиган меҳмонхонага қуролли ҳужум уюштирилди, деб хабар берди Vesti.ru нашри.
Ҳужум оқибатида жабрланганлар ҳамда қурбонлар бор. Ҳужумни беш нафар шахс амалга оширган. Улар меҳмонхонада одамларни ўққа тутишган. Оқибатда уч киши, шу жумладан қўриқчи аскар яраланган, кейинчалик у касалхонада вафот этган. Ҳужум қилганлардан бири воқеа жойида йўқ қилинган.
