Ҳиндистонда 11 қаватли турар жой биносининг қулаши оқибатида ҳалок бўлганлар сони 60 нафарга етди. Бу ҳақда Fox телекомпанияси хабар бермоқда.
Воқеа 28 июнь куни мамлакатнинг жанубий қисмида содир бўлган. Полиция генерали Сандип Рай Раторнинг сўзларига кўра, қидирув-қутқарув ишлари бугун якунланиши кутилмоқда.
Press Trust of India агентлигининг ёзишича, вайроналар остида яна 20 дан 25 нафаргача киши қолган бўлиши мумкин. Аввалроқ, вайроналар остидан 27 киши қутқариб олингани ҳақида хабар берилган эди.
Маҳаллий ҳукумат бинонинг қулашига турар жой биносининг қурилиш ишлари билан шуғулланган компания жавоб беришини маълум қилди. Ушбу иш юзасидан 6 киши ҳибсга олинган.
