Афғонистонлик бир гуруҳ хотин-қизлар, мамлакатдатобора авж олиб бораётган афюнга қарши компьютер ўйинини яратишди, деб хабар берди РИА новости нашри.
Нодавлат компьютер курсларига аъзо бўлган аёллар томонидан яратилган компьютер ўйинида, афюн, мина ва бошқа гиёҳванд моддалар беркитиган жойларни аниқлаш ва уларни йўқ қилиш тасвирланган.
Уни яратишдан асосий мақсад эса айнан ушбу иллатларга қарши курашишдир. Муаллиф аёллар ушбу ўйин орқалимазкур муаммолар бироз бўлса-да, ҳал бўлишига, ўйин ёрдамида афюн савдоси ва унинг истеъмолчилари сони камайишига умид қилишмоқда.
Ушбу марказ 2015 йилда очилган бўлиб, бу ерд аҳозирга қадар 20 дан ортиқ компьютер ўйинлари яратилган. Марказда15 ёшдан 25 ёшгача бўлган 90 нафар хотин қизлар ўқитилади.
“Мен ушбу марказ ҳақида эшитганимдан бу ерга келишга қарор қилдим. Марказда веб иловалар, мобиль иловалар, ўйинлар яратишкаби йўналишлар бор. Мен эса компьютер ўйинлари яратишни танладим. Сабаби бу бизнинг мамлакатимизда ҳали ривожланмаган. "Афюнга қарши кураш " ўйинида мамлакатимиздаги энг катта муаммолардан бирини кўрсатишга ҳаракат қилдик”, деди Хатира Муҳаммадий.
Ушбу ўйин бир ой давомида яратилди. Маълумот ўрнида шуни айтиш мумкинки, мамлакатда гиёҳванд моддалар етиштириш 2016-2017 йилларда 87 фоизга ошган. Ўтган йилда биргина афюннинг ўзидан 9000 тонна етиштирилган.
