Голливуднинг ветеран актёрларидан бири Сильвестр Сталлоне бешинчи марта Рэмбо ролини ижро этади, дея хабар бермоқда Мir24.tv нашри.
Фильмнинг суратга олиш ишлари сентябрь ойида бошланади.
“Рэмбо: сўнгги қон”да бош роль ижросидан ташқари 71 ёшни қаршилаган Сталлоне сценарий муаллифлиги ҳамда режиссёрликни ҳам ўз қўлига олади.
Сюжет бўйича, уруш ветерани Рэмбо ўзининг ранчосини тарк этиб, АҚШ ва Мексика чегарасини босиб ўтади. Бу йўлда у дўстларидан бирининг қизини жиноятчиларнинг чангалидан қутқаради.
Шунингдек, Сталлоне “Крид: Роккининг мероси” фильмининг давомини ҳам суратга олиш ниятида.
