Истанбул полицияси томонидан "Ислом давлати” террорчилик ҳаракатининг 54 жангариси қўлга олинди.
Қайд этилишича кеча кечқурун Истанбул шаҳрининг 13 туманидаги 19 манзил бўйлаб терроризмга қарши кураш амалиёти ўтказилган. Полициянинг тахминига кўра “Ислом давлати” террорчилик гуруҳининг қўлга олинган аъзолари Сурияга етиб олишни режалаштираётган бўлган.
Маълумот учун: Сурия ва Ироқдаги “Ислом давлати” террорчилик ҳаракати иштирокида бошланган ҳарбий тўқнашувлардан сўнг Туркия ҳуқуқни муҳофаза қилиш идоралари томонидан мазкур ишларга алоқадорликда гумон қилинган 5 мингдан зиёд киши қўлга олинган. Депортация қилинганлар сони 3 минг 290 нафарни ташкил қилса, қолган 38 минг кишига Туркияга келиш тақиқланган.
