Тантанали равишда очилган Қрим ва Россияни боғловчи янги кўприкда илк автомобиллар қатнови ҳаракатланишни бошлади, дея таъкидламоқда Lenta.ru нашри.
Керч бўғозида барпо этилган темирйўл кўпригининг автомобиллар учун мўлжалланган қисмида синов ўтказилди. Шундан сўнг барча автомобиллар учун йўл очиқ деб эълон қилинган. Аввалига ОАВ ходимлари ва жамоат арбобларининг автомобиллари ҳаракатни бошлаган бўлса, уларнинг ортидан юзлаб байкерлар ва маҳаллий аҳоли вакиллари ўтган. Дастлабки бир соат давомида кўприкдан мингдан ортиқ машина юриб ўтгани қайд этилди.
Андрей Меркулов:
– Мен кўприкнинг илк йўловчиси эканимдан хурсандман. Керчга илк бора келишим. Биласизми, бу қудрат ва буюкликнинг яна бир рамзидир. Қрим ва Россияни тўғридан-тўғри боғловчи кўприк узоқ йиллар хизмат қилишини тилайман.
Мазкур кўприк Европадаги энг узун икки томонлама интервалллардан бирига айланди. Қрим кўприги устидан барча турдаги енгил автомобиллар ва йўловчи ташувчи автобуслар ҳаракатланиши мумкин. Белгиланган тезлик эса соатига 90 км. этиб белгиланган. Унинг яна бир қисми ҳисобланган темирйўл линиясининг қурилиши эса 2019 йилда якунланиши режалаштирилган.
