“Euronews”нинг ““Reuters"га асосланиб ёзишича, Президент Дональд Трамп маъмурияти миллий хавфсизликни ҳимоя қилиш важи билан автомобиллар импорт божини 25 фоизга оширишга тайёргарлик кўрмоқда.
Қайд этилишича, ишлаб чиқилаётган янги режа баъзи бизнес жамиятлари, хусусан АҚШнинг чет эллик ҳамкор компаниялари, автомобиллар импорти билан шуғулланувчи ритейлерларнинг жиддий эътирозларига сабаб бўлиши мумкин.
Аввалроқ, Дональл Трамп Твиттерда АҚШ автосаноатини катта янгиликлар кутаётганини маълум қилган эди.
Эслатиб ўтамиз, жорий йилнинг март ойида АҚШ пўлат ва алюминийга янги импорт божларини киритди. Аммо, айрим давлатлар, хусусан Европа Иттифоқи июнь ойига қадар янги бож тартибидан озод этилган.
26.05.2018 07:06
АҚШ автомобиллар импорт божини оширади
