Самолёт бортида спиртли ичимлик ичишга рухсат бершимагач, бир йўловчи жанжал кўтарди, дея хабар бермоқда Independent нашри.
Жейсон Феликс Санта-Крус оролидан Майамига American Airlines авиакомпаниясининг рейсида учиб кетаётган эди. Парвоз пайти у борт кузатувчисидан пиво келтиришни сўрайди. Аммо самолёт ходими рад жавобини беради. Бунга сабаб у йўловчининг сал олдинроқ ўзини номақбул тарзда тутаётганини кузатган эди.
Жейсон шундан сўнг ёнидаги қўшнисини тепа бошлайди. Икки ўртада жанжал кўтарилади.
Самолёт Майамига қўнгач, тўрт нафар полициячи Жейсон Феликсни ҳибсга олишди. Эндиликда у 20 йиллик қамоқ жазосига ҳукм қилиниши мумкин.
