Франция пойтахти Парижда узоқ кутилган аукцион бўлиб ўтди, дея хабар қилди Лайф нашри.
Кимошди савдосида динозавр скелети 2 млн. еврога сотилган.
Бир неча ойдан бери ушбу аукцоннинг ўтказилиши анчагина шов-шувларга сабаб бўлаётган эди. Париждаги Эйфел минорасининг биринчи қаватида бўлиб ўтган кимошди савдосида аллозавр скелети савдога қўйилди. Ахамиятлиси эса устихонинг ёши тахминан 150 млн. йилга тенг. Уни франциялик коллекция йиғувчи 2 млн. еврога сотиб олган. Бироқ харидорнинг исми ошкор қилингани йўқ.
– Ушбу устихон деярли 70 фоиз қайта тикланган. 3 панжали оёқлари уни терепот турига мансуб йиртқич бўлганини билдиради. Умид қиламизки, уни харид қилган одам кенг омма эътиборига тақдим этади. Чунки уни барча кўриши керак, – дейди кимошди мутасаддилари.
Динозавр устихонининг баландлиги 9 метрга тенг. Маълумотларга кўра, суяклар 2013 йилда Американинг Вайоминг штатида топилган.
