БААнинг Дубай шаҳрида муқаддас Рамазон ойида миқёси жиҳатидан улкан ифторлик ташкил этилди.
Мазкур мўътабар тадбир дастурхони 6 километр узунликдаги стол устига ёзилгани учун Гиннеснинг рекордлар китобига киритилди.
Ифторликни Дубай шаҳар полицияси ташкил қилди. Мазкур акция хайрия мақсадида ўтказилиб, унда Ҳиндистон, Шри-Ланка, Покистон, Хитой, Филиппин ва Осиёнинг бошқа давлатларидан келган ишчилар қатнашди.
Таомларни тайёрлаш билан 35 та ресторан ва давлатнинг турли тузилмаларидан 500 нафар кўнгилли шуғулланди. Ифторга тайёргарлик кўришга қарийб 200 соат вақт кетди.