Португалиядаги Joanina кутубхонасига кирган киши бу ерда кўршапалаклар билан боғлиқ муаммолар бўлса керак, деб ўйлаши тайин, деб ёзмоқда Mixstuff нашри.
Ушбу кутубхонага юзлаб кўршапалаклар ўрнашиб олган. Лекин кутубхона ходимлари кўршапалаклардан ҳалос бўлишга уринишмайди ҳам. Негаки бу жониворлар кечаси инларидан чиқадиган қурт-қумурсқа, қўнғиз ва бошқа ҳашаротлар билан озиқланишади ва шу тарзда кутубхонадаги қадимий қўлёзмаю китобларни заракунандалардан асрашади.
