Фарғона вилоятининг Тошлоқ туманида 1 июль куни “Тошкент-Андижон” йўловчи поездини “Ҳўжаариқ” МФЙ Хоразм кўчаси ҳудудида ҳаракатланаётган вақтида номаълум шахс поезднинг 5-вагонининг ойнасига тош отган ва ойна дарз кетган.
Ҳозирда поезд вагонига зарар етказган шахсни кимлигини аниқлаш ва ушлаш чоралари кўрилган. Суриштирув ишлари давом этмоқда.
"Ўз ўрнида фуқароларимиздан сўраб қоламизки, бу каби ҳолатларни олдини олишда эътиборли бўлинг. Айниқса, фарзандларингиз ёки яқинларингиз ана шундай ишга қўл ураётган бўлса, уларга бу ишлари биринчи навбатда қонунга зид эканлигини ҳамда ўйламай қилган ишлари ортидан бир нечта бегуноҳ инсонлар тан жароҳатлари олишини мумкин эканлигини уқтиринг. Ёдингиздан чиқарманг, ана шу шикастланган инсонлар ўрнида сизнинг фарзандларингиз ёки яқинларингиз ҳам бўлиши мумкин", - дейилган ИИВ хабарида.
