Айтиш лозимки, машхур актёрлар Брэд ҳамда Анжелинанинг тўйлари ҳақидаги маълумотлар аввалданоқ оммадан сир тутилди. Бироқ шу йилнинг 23 август куни улар Франциядаги шахсий Chateau Miraval қасрида турмуш қурганликлари ҳақидаги хабар интернет нашрлари орқали тарқалиб кетди.
Оммага тўй маросими кичик доирада Францияда бўлиб ўтгани, унда уларнинг фарзандлари, дўстлари ва оила аъзолари қатнашгани ҳақидаги маълумотлардан бошқа ҳеч нарса ошкор қилинмаётган эди. Бугун эса барчанинг эътиборида бўлган ушбу ажойиб ҳодиса ҳақидаги кўплаб маълумотлар интернет нашрларида пайдо бўлди. Бу ҳақда news.day.az нашри хабар беради.
Энг аввало актёрларнинг тўй куни тушган суратлари машхур “People”, “HELLO” журналларининг рангли муқоваларида чоп этилди.
Анжелинанинг келин кўйлаги Atelier Versace томонидан тикилган. Оқ либоснинг фатаси эса актёрларнинг фарзандлари чизган суратлар асосида яратилди. Турли оммавий ахборот воситаларига берган интервьюда актёрлар “Бу кун биз учун расмий бир маросим эмас, бахтли кунларимизнинг яна бир бўлаги, давоми бўлишини истадик” дея фикр билдиришди.
