“Ислом давлати” гуруҳи жангарилари яна бир америкалик асир Стивен Сотлоффни қатл қилишди. Бу ҳақда ИТАР-ТАСС агентлиги хабар бермоқда.
Террористик гуруҳларнинг интернетдаги фаолиятини кузатиб борувчи SITE ташкилотининг маълум қилишича, журналистнинг қатл қилиниши акс этган видео лавҳа интернетга жойланган.
Ўлимидан аввал Сотлофф АҚШ президенти Барак Обамага мурожаат қолдирган. Журналист Обамани президент сайловларидан аввал берган ваъдаларини, айнан Ироқ ва Афғонистондан АҚШ харбийларини олиб чиқиб кетиш ва Гуантанамодаги қамоқхонани ёпиш тўғрисидаги ваъдаларини амалга оширмаганини айтди.
Видеода юзини яширган жангари кейинги қурбон британиялик Дэвид Хейнс бўлиши мумкинлиги маълум қилди. Экспертлар ушбу террорчи бир неча ҳафта аввал Жеймс Фоулини ўлдирган жаллод эканлигини таҳмин қилишмоқда.
