Шимолий Каролина штати олий суди 30 йил умрини қамоқда ўтказган икки маҳбусни айбдор эмас деб тан олди. Ака-ука МакКолум ва Леон Браун 1983 йили 11 ёшли Сабрина Бюини зўрлаш ва ўлдирганликда айбланганди.
The Huffington Post нашрнинг ёзишича, ушбу қарорнинг қабул қилинишига пайдо бўлган янги далиллар сабаб бўлган. Қайта ўтказилган экспертиза натижалари, жасад ёнида топилган сигарета ва пиво банкасида МакКоллум ва Брауннинг ДНК излари бўлмаганлигини тасдиқлади. Ушбу ДНК излари ака-укаларнинг ҳибсга олинишидан бир неча ой ўтгач, шунга ўхшаш жиноят учун озодликдан маҳрум қилинган жиноятчининг ДНК изларига тўғри келди.
Айблов фақатгина ака-укаларнинг қизни ўлдирганликларини тан олганликларига асосланганди. Терговчилар эса 19 ва 15 ёшли боланинг онги пастлиги, тан олиш эса фақатгина кўп соатли сўровлардан сўнг бўлганлиги ва ҳеч қандай ашёвий далил топилмаганлигига эътибор қаратишмаган. Суд аввалига уларни ўлим жазосига ҳукм қилди. Аммо, апелляциядан сўнг МакКоллум ўлим жазосига ҳукм қилинганлар камерасида қолдирилди, Браун эса умрбод озодликдан маҳрум этилди.
Энди, ушбу жиноятда айбланаётган шахс исми ошкор этилмаяпти. Бироқ жиноятчи ҳозир 74 ёшда эканлиги маълум.
