Soda Stereo рок гуруҳининг солисти сифатида машхурлик чўққисига чиққан Густаво Серати узоқ муддатли кома ҳолатида ўзига келмасдан ҳаётдан кўз юмди. Бу ҳақда panorama.am нашри хабар беради.
Лотин Америкаси мусиқа оламининг энг обрўли вакилларидан бири Густаво Серати 2010 йилдаги инсультдан сўнг комага тушиб қолди. Шундан сўнг, уни ўзга келтириш ва оёққа туриши учун жуда кўп харакат қилинди, бироқ ҳаракатлар натижа бермади.
55 ёшида оламдан ўтган хонанда билан ҳайрлашиш учун минглаб мухлислар йиғилишди. Аргентина президенти Кристина Киршнер воқеа муносабати билан мамлакатда икки кунлик мотам кунини эълон қилди.
