Сан-Диегода бўлиб ўтган Comic-Con конвенциясида фэнтези жанрида суратга олинган “Фантастик жониворлар: Гриндельвальднинг жинояти” фильмининг расмий трейлери намойиш этилди, дея хабар бермоқда Сегодня нашри.
Дунёдаги энг бой адиба Жоанна Роулинг асари бўйича суратга олинган ушбу кинокартинада “Гарри Поттер”даги кўплаб қаҳрамонларни кўриш мумкин бўлади.
Бош ролларда Жуд Лоу, Жошуа Ши, Жонни Депп, Эдди Редмэйн, Кэтрин Уотерстон, Элисон Судол, Дэн Фоглер, Эзра Миллер ва бошқалар.
Режиссёр Дэвид Йейтснинг янги фэнтезиси куз фаслида – 15 ноябрда катта экранларга чиқарилади.
