Қашқадарё вилоятида овсинлар ўртасидаги жанжал якунида уларнинг бири ҳалок бўлди, деб хабар бермоқда Ўзбекистон Республикаси ИИВ Жамоатчилик ва оммавий ахборот воситалари билан алоқалар бошқармаси.
25 июль куни Нишон туманида яшаган Н.М. исмли аёл уйи орқа томонида бирга яшовчи овсини А.О. билан ўзаро жанжалашиб, унга пичоқ билан ўқталган ва А.О., Н.М.нинг қўлини қайириб итариб юборган вақтида пичоқ унинг чап оёқ қисмига кириб кетган.
Натижада Н.М. касалхонага ётқизилган ва кўрсатилган тиббий муолажаларга қарамай ҳалок бўлган. А.О. қўлга олинган.
