Индонезиянинг Ломбок оролида рўй берган зилзиладан сўнг сайёҳлар орасида ваҳимали ҳолат юзага келди, дея хабар берди РИА Новости нашри.
Хорижликлар иложи борича тезроқ оролни тарк этишга ҳаракат қилишмоқда.
Ломбок ва Баллида содир бўлган 7 баллик ер силкиниши катта талофатларни келтириб чиқарди. Ломбок халқаро аэропорти эса табиий офатдан омон қолган сайёҳлар билан гавжум. Сўнгги 24 соат ичида кўплаб рейслар бекор қилиниб, туристлар шу ернинг ўзида парвозлар қайта йўлга қўйилишини кутишмоқда. Бу эса шундоқ ҳам оғир шароитда ишлаётган аэропорт фаолиятини янада қийинлаштирмоқда. Кутиш залларида одамнинг ҳаддан зиёд кўплиги тартибсизликни юзага келтирган.
Сайёҳлар аэропортдан ташқарига чиқишни исташмаяпти. Улар зилзила такроран содир бўлишидан ҳавотирда. Маълумотларга қараганда, силкиниш оқибатида 1 нафар афғонистонлик сайёҳ ҳалок бўлган. Ломбок бўйлаб ҳамон қутқарув ишлари дамом этмоқда. Энг сўнгги хабарларга кўра, қурбонлар сони 100 га етган.
