Италиянинг Болонья шаҳрида портлаш содир бўлди, деб хабар бермоқда Lenta.ru нашри.
Шундан сўнг катта аланга келиб чиққан.
Шаҳарнинг шимоли-шарқидаги трассада нефть танкери йўл-транспорт ҳодисасига учраб, портлаб кетган. Кетма-кет содир бўлган портлаш эса ҳудудда улкан ёнғин келиб чиқишига олиб келди. Олов яқин орадаги автомобилларни ҳам ўз домига тортган. Ҳодиса оқибатида икки киши ҳалок бўлиб, 60 дан ортиқ инсон жароҳатланган.
Ярадорларнинг 11 нафари полиция ходимлари экани хабар қилинмоқда. Портлаш Болонья аэропорти яқини рўй бергани сабаб бу ҳолат аэропорт фаолиятига ҳам салбий таъсир кўрсатган. Ҳозирда ҳудуд атрофидаги барча транспорт қатновлари вақтинча тўхтатилди. Маълумотларга кўра, нефть танкери юк машинаси билан тўқнашиб кетган.
