Жуда кам учрайдиган туғма касаллик туфайли Польшанинг Олесница шаҳрида истиқомат қилувчи 25 ёшли йигит 12 ёшли болага ўхшаб қолган, дея маълум қилмоқда Daily Mail нашри.
Томаш Надольский (Tomasz Nadolski) Фабри хасталигидан азият чекади. Доимий оғриқлар туфайли у уззукун оғриқ қолдирувчи дорилар ичишга мажбур.
Томаш ҳатто овқатланишга ҳам қийналади, кун давомида 20 соат томизғич тагида ётишга маҳкум.
Томаш етти ёшлигида касалликнинг илк аломатлари пайдо бўлган.
Кўпинча Томаш жамоатчилик орасида қалбаки ҳужжатдан фойдаланишда айбланади, негаки унинг ташқи кўриниши вояга етган одамникидек эмас.
