Уругвайнинг собиқ президенти ўзининг камтарона турмуш тарзи билан дунёга машҳур бўлди, дея ёзмоқда Fishki.net нашри.
Хосе Мухика Уругвай президенти постида 2010 йилдан 2015 йилгача ўтирган. “Дунёдаги энг қашшоқ президент” номини эса пулга бўлган ўта лоқайдлиги туфайли олган.
Шоҳона ҳаётдан воз кечган Хосе Мухика узоқ йиллар ўз фермасида тер тўкиб меҳнат қилган. Президентликдан сўнг сенаторликка сайланган Хосе Мухика шу кунларда нафақага чиқишини сўраб хат ёзган. Лекин у катта миқдордаги нафақа олишдан бош тортган. Ахир, у ҳатто ҳатто ўзининг президентлик маошини ҳам хайрия тадбирларига сарфлар эди.
