Волгоградда олтинчи синф ўқувчиси ўз онасини муқаррар ўлимдан сақлаб қолди, дея хабар берди Вести нашри.
Маълум бўлишича, боланинг онаси оғир касал бўлган ва инсультни бошидан кечирган. Аммо аёлнинг соғайиб кетиши учун дорихоналарда топилмайдиган дори керак бўлган.
Аёлнинг олтинчи синфда ўқийдиган ўғли бутун шаҳар бўйлаб ёрдам сўраб эълон ёпиштириб чиққан. Бу воқеа ижтимоий тармоқларда тарқалган ва бу оилага юзлаб одамлар ёрдам қўлини чўзишга ҳаракат қилишган. Натижада эса йирик амалдорлар ҳам ёрдамга шошишган.
