Голливуднинг энг келишган, машхур ва энг мухими бўйдоқ актёрларидан бири бўлмиш Киану Ривзнинг уйига 25 сентябр куни унинг мухлиси яширин равишда кириб олгани маълум бўлди. Бу ҳақда www.spletnik.ru нашри хабар беради.
Айтиш лозимки, ўтган ҳафтада ҳам актёрнинг уйига кекса мухлисасининг кириб олганди. Ўшанда Киану Ривз қўрққанидан полицияни чақирганди. Бу сафар ҳам шунга ўхшаш ҳолат юз берди. Иккинчи мухлис эса Кианунинг уйига кирибгина қолмай, унинг шахсий буюмларидан фойдаланган. Шовқинни эшитган уй хизматчиси бу ҳақда актёрга хабар берган. Охир оқибат Ривз яна полициячиларни чақиришга мажбур бўлган.
Полиция вакиллари мухлисларнинг актёрнинг уйига қай тарзда кираётганликларига ҳайрон бўлаётганликларини яширмаяпти. Сабаби, актёрнинг уйи шунчаки уй эмас, қўриқлаш зонасига ўхшайди ва уй энг замонавий қўриқлаш жихозлари билан жиҳозланган.
