АҚШнинг Калифорния штатидаги Юкайп шаҳрида камондан айиқа қарата ўқ узган овчига йиртқич оғир тан жароҳати етказди, деб хабар берди lenta.ru нашри.
Камон билан қуролланган 3 нафар овчи оғирлиги 135 килограммга яқин бўлган айиқ ортидан ўрмонга йўл олишди. Улардан бири айиққа қарата камондан ўқ узган ва зудлик билан яраланган йиртқичнинг тепасига борган. Ҳали тирик бўлган айиқ унга ташланган.
Овчи оғир даражадаги тан жароҳати билан касалхонага ётқизилган. Айиқ эса камон ўқидан ҳалок бўлган. Овчилардан бири жароҳат олган овчи жуда тажрибали бўлишига қарамай, хатога йўл қўйганлигини, оқибатда жабрланганлигини маълум қилди.
