АҚШнинг Нью-Йорк шаҳри аэропортига қўнган самолёт бортида бўлган 200 га яқин йўловчининг 19 нафари номаълум касалликка чалинди, дея хабар берди Лента.ру нашри.
Emirates авиакомпаниясининг Дубайдан Нью-Йоркка амалга ошираётган 203-рейси йўловчилари касаллик туфайли карантинга жойлаштирилди.Улар орасида экипаж аъзолари ҳам бор. Беморларда тана ҳарорати кўтарилиб, йўтал бошланган. Ҳаво лайнери ерга қўнганидан сўнг, улар шифохога жойлаштирилди. Бироқ 9 киши даволанишдан бош тортган.
