Вьетнам президенти Чан Дай Куанг 21 сентябрь куни вафот этган эди, дея хабар берди Ridus нашри.
У узоқ давом этган оғир касалликдан сўнг ҳаётдан кўз юмган. 26 сентябрь куни мамлакатнинг Ханой шаҳрида уни сўнгги йўлга кузатиш маросими бўлиб ўтди. Дафн маросими 2 кун давом этди. Унда дипломатик корпус вакиллари, кенг жамоатчилик иштирок этди. Минглаб одамлар ўз президентлари билан хайрлашиш учун келишди. Мотам туфайли барча давлат байроқлари туширилди. Шунингдек, барча расмий ва норасмий тадбирлар бекор қилинган. Чан Дай Куангнинг жасади Ханойдан 100 км. узоқликдаги Нинх Бинх провинциясига дафн этилди.
