Тайланднинг Бангкок шаҳрида ёввойи кабутарларга қарши кураш олиб борилмоқда, деб хабар қилди 120.su нашри.
Шаҳар маъмурияти кўчаларга қушларни тутиш учун мўлжалланган махсус тўрларни ўрнатиб чиқмоқда. Бунга сабаб эса ёввойи кабутарлар шифокорлар томонидан касаллик тарқатувчи восита сифатида қайд этилганидир.
Маълумотларга кўра, улар менингит, қуш гриппи каби респиратор касалликларни тарқатишмоқда. Ҳозирда кўчаларда уларга егулик бериш ва боқиш тақиқланган. Қоидани бузганларга эса 3 ойлиқ қамоқ жазоси берилади ёки 770,42 АҚШ доллари миқдорида жаримага тортилади.
