Испанияда турли намойишлар бўлиб ўтмоқда, деб хабар берди РИА новости.
Масалан Барселонада мустақиллик референдумининг бир йиллиги муносабати билан намойишлар кузатилаётган бўлса, Мадрид, Севилия, Валенсия ва бошқа бир қатор шаҳарларда 1 октябрдан бошлаб, пенсионерлар ҳукуматдан пенсия пулини оширишни талаб қилишмоқда. Мазкур талаб билан жорий йилнинг март ойида ҳам митинглар бўлиб ўтган эди. Барселонадаги вазият эса тобора таранглашиб бормоқда. Полиция одамларни тарқатишга уринмоқда. Бироқ 180 мингга яқин оломонга кучи етмаяпти.
