АҚШнинг Невада штатида 6 октябрь куни бўлиб ўтган россиялик UFC жангчиси Ҳабиб Нурмагамедов ва ирландиялик Конор Макгрегор ўртасида бўлиб ўтган жанг, кейин унинг ортидан келиб чиққан жанжал турли муҳокамаларга сабаб бўлди, деб хабар берди РИА новости нашри.
Ўйиндан сўнг ўтказилган матбуот анжуманида Ҳабиб Нурмагамедов Невада коммисияси ҳамда барча мухлислардан узр сўради. “Ўзимни яхши тутмаганимни биламан. Нима учун фақат менинг сакраб тушиб, ҳужум қилганим ҳақида гапиришаётганини тушунмаяпман. Ахир Макгрегорнинг нима қилганини ҳам ҳамма кўрди-ку! У менинг диним, отам ва мамлакатимни ҳақорат қилди. Бу эса мумкин эмас”, деди Ҳабиб Нурмагамедов.
Ҳабиб жанг учун 2 миллион доллар миқдорида гонарар олиши белгиланган. Аммо юзага келган муштлашув юзасидан текширув тугамагунча унга гонарар берилмайди. Унинг рақиби эса ўзининг 3 миллион долларини муаммосиз қўлга киритиши мумкин.
