Транспорт полицияси Москва жанубида поезд назоратчисини урган деб тахмин қилинган Ўзбекистондан борган одамни қўлга олди.
Бу ҳақида ИИВ Марказий федерал округ транспорт бошқармаси хабар берган.
Эрталаб Пирогов номли касалхонага 56 ёшли назоратчи аёл бурни синган ҳолда олиб келинган.
Жабрланган аёлнинг сўзларига кўра, уни иш жойида номаълум бир йигит урган. Натижада полиция ходимлари Ўзбекистондан келган 32 ёшли йигитни қўлга олган. Воқеа тафсилотлари ҳақида маълумот берилмаяпти, дея хабар беради «Вести ФМ».
