Америкалик машҳур боксчи Флойд Мэйвэзер 31 декабрда Япониянинг Токио шаҳрида аралаш яккакураш (ММА) қоидалари бўйича илк жангини ўтказади, деб хабар бермоқда News.day.az нашри.
41 ёшли боксчининг рақиби япониялик кикбоксчи Тенсин Нацукава бўлади. У ҳозирга қадар боксда 50 та жангнинг барчасида ғалабага эришган. Боксчи 2017 йил 26 августда ўтказган охирги жангида ирландиялик яккакураш жангчиси Конор Макгрегорни техник нокаут билан мағлуб этган. Сўнги вақтларда Мэйвэзернинг UFC чемпиони Ҳабиб Нурмагомедов билан жанг ўтказиши мумкинлиги ҳақида турли гап-сўзлар тарқаган эди. Аммо америкалик боксчи Ҳабиб билан фақатгина бокс қоидалари бўйича жанг ўтказиши мумкинлигини маълум қилган.
