“Save the Children” халқаро нодавлат ташкилоти бугунги кунда Италияда 12 % болалар камбағалликдан азият чекаётганини маълум қилди, дея хабар берди Ren.tv нашри.
Мамлакатнинг чекка ҳудудларида оилавий оғир шароит туфайли болалар ўрта мактабларга боролмаяпти. Ушбу кўрсатгич бўйича Италия Европа Иттифоқига аъзо давлатлар ичида энг сўнгги ўринда турибди. Вазият эса тобора ёмонлашиб бормоқда. Яна бир маълумотга кўра, италиялик болалар ёшга доир билимларни ўзлаштириш борасида ҳам паст кўрсатгичга эга.
