Кубада ҳукумат томонидан қабул қилинган янги қонун аҳолининг норозилигига сабаб бўлмоқда, дея хабар берди Сегодня нашри.
Мазкур қонунга кўра, назорат инспекторлари маданий тадбирлар, кўргазмалар,концерт ва шу каби барча маросимларни ташкил этилишидан олдин улар устидан текширув ўтказади. Агар бу тадбирлар мамлакатнинг миллий қадриятларини обрўсизлантиришга олиб келса, улар дарҳол тўхтатилади. Бу ҳаттоки расм кўргазмаларига ҳам тегишли. Агар суратлар белгиланган талабларга жавоб бермаса, расмлар мусодара қилиниши ҳам мумкин. Аҳоли эса буни тадбирларга асоссиз аралашиш ва эркинликни чеклаш, деб ҳисобламоқда.
