Жанубий Корея прокуратураси “Севол” кемаси капитани учун ўлим жазосини талаб қилмоқда, дея хабар беради Reuters.
Экипажнинг тўрт аъзоси қотилликда айбланмоқда. Кемани бошқарган Ли Чжун Сока (Lee Joon-seok) учун эса энг олий жазони талаб қилишган бўлса, қолган уч денгизчи учун эса бир умрлик қамоқ жазосини сўрашяпти. Экипажнинг 11 аъзоси масъулиятсизликда айбланмоқда. Улар учун 15-30 йил муддат беришлари сўралмоқда.
“Севол” кемаси 2014 йилнинг 16 апрел куни ағдарилган ва чўкиб кетган эди. Кема бортида жами 476 киши бўлган, уларнинг кўпчилиги мактаб ўқувчилари эди. 294 киши ҳалок бўлди ва 10 киши бедарак йўқолди.
