Виктория Бекхэм – омадли бизнесвумен ва меҳрибон она. Spice Girls гуруҳининг собиқ аъзосининг кундалик графиги жуда ҳам тиғиз, шундай бўлишига қарамасдан у оиласи учун вақт топмоқда.
Бироқ кўпчилик дизайнерни болаларига қарамаётганликда айбламоқда. Бундай миш-мишларнинг тарқалишига Викториянинг дўкондан чиқаётган расмлари сабаб бўлди. Виканинг қўлида кичкинтой Харпер, уч ёшли қизчанинг оғзида эса сўрғич.
Ушбу тасвирларни кўрган педиатрлар боланинг ривожланишига ва дунёни танишига тўсқинлик қилмоқда дейишмоқда. Шифокорларнинг тасдиқлашича, Харпер яхши ривожланиши учун бу ёшда унинг оғзи бўш бўлиши ва турли саволларни бериши керак экан. Оғзида сўрғичи бор қизчада эса бундай имконият йўқ.
