Чили пойтахти Сантьягода ёвуз ниятли одамлар тўрт миллион доллар ортилган юк машинасини олиб қочишди. Жиноят аввалдан режалаштирилган. Босқинчилардан бири хавфсизлик ходимини чалғитган ва президент резиденцияси Ла-Монедадан унчалик узоқ бўлмаган жойда турган машина кабинасига чиқиб олган.
Кейин эса жиноятчи ҳайдовчига оиласининг расмини кўрсатиб, унинг шартларини бажармаса, оила аъзолари жабр кўришини айтган.
Босқинчи машинани метални қайта ишлаш цехи ҳудудига ҳайдашни талаб қилган. Ўша ерда жиноятчилар машинадан пулларни олган ва яширишган, дея хабар бермоқда ТАСС.
