53 ёшли аргентиналик футболчи Диего Марадона 24 ёшли қаллиғи Росио Оливага қарши пуллари ва қимматбаҳо нарсаларини ўғрилашда қўйган айбини бекор қилди, дея хабар бермоқда ТАСС.
Маҳаллий нашрнинг сешанба куни берган хабарига кўра, спортчи ўз аризасини полициядан телевидениеда қаллиғини жаҳл устида бир неча марта зарба берганлигини акс эттирувчи тасвирлар пайдо бўлгандан сўнг қайтиб олган.
Кўринишидан бу тасвирлар анча олдин суратга олинган. Апрел ойида жуфтлик ажралганлиги маълум бўлган эди.
Марадонанинг шахсий ҳаёти доимий равишда можаролар билан тўла. Ўтган йили у 8 йил бирга яшаган турмуш ўртоғи Вероника Охеда билан ажрашганди. Бундан сал олдин уларнинг ўғили дунёга келган.
Аргентина ОАВнинг таъкидлашича, Марадонанинг 5 нафар фарзанди бор.
