Аввалроқ 15 ёшли Нодира Яшатулаева 2019 йил 1 январь куни Тошкент шаҳрининг Сергели туманидаги қариндошининг уйидан чиқиб, йўқолиб қолган ҳақида хабар берган эдик.
Тошкент ИИББ хабарига кўра, қиз Янгийўл туманидан топилган. Унинг айтишича, у ерга танишлариникига борган. Ҳозирда ушбу маълумот текширилмоқда.
Қизни топишда Тошкент ИИББга вилоят ички ишлар органлари ходимлари ёрдам беришди.
Қиз соғлом, онасининг ёнида. Ҳозирда у билан ИИББ қошидаги вояга етмаганларга ижтимоий кўмак берувчи марказ ходимлари суҳбат олиб бормоқда.