АҚШнинг Лос-Анжелес шаҳрида “Oлтин глобус” мукофотини топшириш маросими бўлиб ўтди, дея маълум қилди ТАСС нашри.
Тақдирлаш натижаларига кўра, америкалик кинорежиссёр Брайан Сингернинг “Богема рапсодияси” картинаси 2018 йилнинг энг яхши драматик фильми, дея қайд этилди.
Энг яхши драматик актёр номинациясида эса Рами Малек ғолибликни қўлга киритган.
Аёл актрисалар орасида Гленн Клоуз “Oлтин глобус” мукофотига лойиқ деб топилган.
Шунингдек, энг яхши комедик фильм, анимацион фильм, энг яхши хориж фильми номинациялари бўйича ҳам нуфузли “Oлтин глобус” мукофоти ўз эгаларига топширилди.
