Жаҳон банки президенти Жим Ён Ким 1 февралдан истеъфога кетишга қарор қилганини маълум қилди, деб хабар бермоқда Сегодня нашри.
Банкнинг расмий сайтида хабар қилинишича, унинг вазифасини банкнинг бош ижрочи директори Кристалина Георгиева вақтинчалик бажаради. Хабарда Кимнинг янги иш жойи маълум қилинмаган, бироқ таъкидланишича, у истеъфога кетгач, ривожланаётган давлатлар инфратузилмасига инвестициялар қилиш билан шуғулланувчи компанияда фаолият юритади. 6 йилдан буён Жаҳон банкини бошқариб келаётган Кимнинг ваколати 2022 йилда тугаши керак эди. Бироқ у ўз хоҳишига биноан истеъфога чиқмоқда.
