Жанубий Кореянинг Канвондо провинциясида халқаро балиқ овлаш фестивали бошланди, деб хабар қилмоқда Лайф нашри.
Қоидаларга кўра, қатнашчилар музлаган кўлдан балиқларни қўл билан тутишлари лозим. Айнан мазкур фестивалда иштирок этиш учун Жанубий Кореяга минглаб сайёҳлар келишади. Ҳаво совуқ бўлишига қарамай, тадбирнинг биринчи кунида 140 мингдан зиёд одам кўл атрофига йиғилган. Уларнинг аксарияти АҚШ, Хитой ва Европа мамлакатлари фуқароларидир. Ушбу фестиваль 27 январга қадар давом этади.
