Германияда юзлаб сиёсатчиларнинг аккаунтларини бузиб кирган хакернинг шахси аниқланди, дея хабар қилди ТАСС нашри.
Жамоат арбоблари ва сиёсатчиларга қарши киберҳужумларни амалга оширган шахс 20 ёшли йигит бўлиб, у ўз айбини тан олган. У тергов билан ҳамкорлик қилишга рози бўлди ва ўз қилмиши сабабларини тушунтирмоқда. Йигит сўроқдан сўнг озод қилинган. Полиция уни судгача қамоқда сақлашга хожат йўқ, деб ҳисобламоқда. Германия ички ишлар вазири ўтказган матбуот анжуманида интернет хавфсизлиги тўғрисидаги қонунни янада такомиллаштириш керклиги таъкидланди.
