Конго Демократик Республикасида президент сайлови натижалари эълон қилинди, дея хабар қилди ТАСС нашри.
Мамлакатнинг сайлов комиссияси мухолифат партиядан номзод Феликс Чисекеди ғалаба қозонганини маълум қилган. Натижалар эълон қилингунга қадар овозларни санаш ва ҳисоблашда сайлов комиссияси турли фирибгарликларга йўл қўяётгани билан боғлиқ муаммолар юзага келаётган эди. Сайлов комиссияси расмий натижалардан норозилар 10 кун ичида конституциявий судга мурожаат қилишлари мумкинлигини таъкидлаган.
