Хитойнинг Шаньдун провинцияси полицияси аёллар қабрини ковлаб, уларнинг таналарини тўй маросимлари учун сотиш билан шуғулланган деган шубҳа билан 11 кишини қамоққа олди. Бу ҳақда The South China Morning Post ёзмоқда. Қўлга олинганларни уч йиллик қамоқ жазоси кутиб турибди.
Нашрнинг маълумотига кўра, ҳуқуқни муҳофаза қилувчи органлар март ойида қабр қазувчилар изидан тушишган. Шу пайтда қабр қазувчилар бир аёл танасини ковлаб олишган ва уни тахминан 3000 долларга сотишган эди. Кейинчалик ушуб жасадни ўлим никоҳи (хитой тилида минхунь) маросимда фойдаланиш учун қайта сотилиши режалаштирилган эди.
Гуруҳ бошлиғи Ваннинг хабар беришича, жасаднинг нархи қанчалик янги бўлса, шунчалик қиммат бўлган. “Эски суяклар ҳеч нарсага арзимайди (қоидага кўра уларнинг нархи 50 доллардан ошмайди), агар янги жасад топилса борми, ана бу ҳақиқий мол”, - дейди у.
Хитой қонунларига кўра жасадларни ўғрилаш жиноят ҳисобланади ва уч йилгача қамоқ билан жазоланади.
Минхунь Хитойда анча кенг тарқалган. Хитой эътиқодига кўра, агар одам уйланмай вафот этса, яқинлари уни қабрга қўйишдан олдин аёл кишининг жасади билан ўлдим маросимини ўтказишади. Бунинг учун эса ҳар икки тана ҳам ўлган бўлиши керак.
