Швейцариянинг Давос шаҳрида Бутунжаҳон иқтисодий форуми ўз ишини бошлади, деб хабар бермоқда Риа.ру нашри.
Унда дунёнинг юздан ортиқ сиёсатчилари иштирок этмоқда. Саммит доирасида иқлим ўзгариши, Яман ва Суриядаги инқирозлар, популяциянинг ўсиши, миграция муаммоси, ночорликка қарши кураш, Буюк Британиянинг Европа Иттифоқидан чиқиш жараёни, жаҳон иқтисодиётининг ўсиши каби масалалар муҳокама қилиниши кутилмоқда. Форумнинг биринчи кунида Бразилия президенти Жаир Болсонару мамлакатда иқтисодий ислоҳотлар ўтказиш режасини тақдим этди.
